"Пинал сюлэмъёс" ансамбль выль костюмъёс вурытӥз

Илиш ёросысь Ташкичи гуртысь клуб мылысь-кыдысь ужа татысь удмурт калык аслэсьтыз лулчеберетсэ медаз ышты шуыса. Культура юртэн кивалтӥсь Гульнара Сафиева гуртоосызлы ма гинэ уг малпа, тырше ужаз школаын дышетскисьёсыз но кыскыны. Котькуд ужрадэ гуртысь кибашлыослэн ужъёсынызы адӟытон дасятэк уг кельто.

2018-тӥ арлэн йылпумъянъёсызъя, ташкичиос «Лучший сельский клуб» номинациын республика конкурсэ пыриськыса, 100000 манет тыр грант утӥзы. Та коньдонлы ёросысь культура ёзэт Ташкичи гуртысь «Пинал сюлэмъёс» калык фольклор ансамльлы выль костюмъёс вурытӥз, микрофонъёс басьтӥз. Выль костюмъёсынызы ташкичиос нырысьсэ туэ Выль арез пумитан ужрадазы кырӟазы, нош ёрос культура дворецлэн сценаяз удмуртъёс чиль-дол пиштӥзы алигес Илиш ёрослэн 85 ар тырмон юбилейной концертын. Отын «Пинал сюлэмъёс» ансамбль «Ми тӥледыз куное ӧтимы» кырӟанэз быдэстӥз.

Читайте нас:

Учредитель: Агентство по печати и средствам массовой информации Республики Башкортостан

Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна

Газета "Ошмес" - общественно-политическая, социальная, культурно-просветительская газета удмуртов Республики Башкортостан.

Телефон

Телефон+7 (34778) 2-11-89, 2-18-71

Электронная почта

[email protected]

Адрес

452830, Республика Башкортостан, Татышлинский район, с. Верхние Татышлы, ул. Ленина, д. 91