Ташкичиос Илиш ёрослэн юбилеезлы сӥзем "Поле чудес" шудон ортчытӥзы

Шудонлэн нырысетӥ тураз Венера Шайдуллина, Глюс Хуснутдинов, Рима Гибадуллина шудӥзы. Кыкетӥтурын "визьзэс сыназы" Ильнар Тимерханов, Людмила Минияхметова, Фируза Хабибуллина. Куинетӥ турын барабан вӧзын сылӥзы РегинаТимерханова, Таскира Сабирова, Н. Гибадуллина. Шудонлэн финалаз куспазы нюръяськизы Р. Гибадуллина, Л. Минияхметова, Т. Сабирова. Вордӥськем палъёссэ умой тодэменыз висъяськиз-а, яке удалтӥз-а Людмила Минияхметовалы. Со шудонлэн вормисез луиз. Шудон вискын чузъяськизы шулдыр кырӟанъёс, егит усточиос капчи эктонъёссэс эктӥзы. Праздник ваньзылы кельшиз. Вераны кулэ, та гуртын но ёросын ортчылӥсь концертъёсы, ужрадъёсы Г. Сафиева быгатыса кыске школаын дышетскисьёсты. Соосын ӵош соос задор эктонъёс дасяло, удмурт кырӟанъёс кырӟало. Пиналъёс озьы мылысь-кыдысь асьсэ удмурт культураенызы тунсыкъясько.