Герд лыдӟонъёс Татышлы ёросысь Выль Татышлы гуртын ортчозы

Герд лыдӟонъёсын кылзыны луоз филология наукаосъя кандидатлэсь А. Шкляевлэсь, писательлэсь Н. Кузнецовлэсь, педагогика наукаосъя кандидатлэсь В. Ившиналэсь но мукетъёслэсь тунсыко докладъёссэс. Удмурт Кенеш» огазеяськонлэн исполкомезлэн люкаськоназ Кузебай Герд нимо премиялэн кык лауреатъёсыз тодмо луизы: Башкортостанысь удмурт культурая центрлэн кивалтӥсезлэн воштӥсез Юрис Саитов но калsк кырӟанъя но эктонъя «Айкай» театрен кивалтӥсь Пётр Данилов. Исполкомлэн кенешаз люкаськемъёс соослэсь удмуртлыкез ӝутонын трос ӟеч ужъёссэс пусйизы. Соосты сӥё-дано ӟечкылан но ортчоз Герд лыдӟонъёс ужрадын.
Со сяна, ужрадэз малпасьёс егитъёслы но нылпиослы квест-шудон дасяллям. Юанъёс удмуртъёслэн историенызы герӟаськемын луозы.

Башкортостанын ортчись ужрадэ озьы ик пыриськозы Удмурт Элькунысь Туризмъя но киужъёсъя центр, Национальной библиотека, Удмурт кун университет, Киужъёсъя юрт, удмурт книгаосын вуз карон радъяськоз.