Шулдырто Вязовкаысь егит уӵыос

Татышлы ёросысь Вязовка республикаысьтымы одӥгез узыр гурт луэ. Зэм, солэн узырлыкез бадӟымесь дворецъёсын яке лыдъянтэм коньдонэн герӟаськемын ӧвӧл. Гуртлэн ваньбурез - уӵы куараё кырӟасьёс. Татын арлыдоос но, егитъёс но, пиналъёс но ог-огенызы ӵошатскыса кырӟало-экто. Нош культура юрт бордысьтызы "Уӵы ныл" ансамбльзылы "Калык ансамбль" ним сётэмын ни. Гуртысь егит кырӟасьёслэн данзы республикамылэн палэназ паськыт вӧлмемын ни.