+17 °С
Салкым
Антитеррор
Вань иворъёс
Лулчеберет
20 январь 2020, 17:05

Удмуртиысь артистъёс, арганчиос Башкортостанэ но Пермь шаерысь Куеда ёросэ концертэн вуылӥзы

Пермь шаерысь Куеда ёросысь Бадӟым Гондыр но Башкортостанысь Татышлы ёросысь Улысь Балтач но Выль Татышлы гуртъёсы Удмуртиысь Шаркан но Якшур-Бодья ёросъёсысь артистъёс концертэн вуылӥзы.

Та нуналъёсы камсьӧр удмуртъёсыз чебер но задор удмурт кырӟанъёсты кырӟасьёс, тунсыко юморен, тумошо дӥсен маскарчиос шулдыртӥзы. Павел Кутергинлэн но Татьяна Хохряковалэн дуэтсы, Шаркан ёросысь Карсашур гуртэ выжы лэзем Вязовка ныл Надежда Ахмадышина но солэн "Тулкым" ансамблья эшъёсыз, Якшур-Бодья ёросысь Мукши гуртын культура юртын ужась "Ури-бери мукшиос", соос ик Татьяна Кайсиналэн но Елена Трониналэн маскаръяськись дуэтсы Башкортостанэ таӵе группаен нырысетӥзэ вуизы. Быдэс ӝыт чузъяськизы шулдыр кырӟанъес, серемес веранъёс. Кин малпалоз, кырӟась Павел Кутергин но Маймыл Митрок со одӥг адями шуыса, сокем воштӥськыны быгатэ вылэм та артист. Нош тросэзлэн артистъёслэн арганэн шудэмзылы ваньзы паймизы но ӧжытак вожъяськизы но, дыр.
Бадӟым тау Удмуртиысь куноослы шуныт пумиськон, нош учкисьеслы ӟырдыт кичабонъёссы понна.
Читайте нас: