+20 °С
Салкым
Антитеррор
Вань иворъёс
Лулчеберет
20 ноябрь 2019, 22:30

Канлы гуртын улӥсьёслы выль спектакль возьматозы

"Без Егора будет горе". Таӵе пьеса борды басьтӥськизы Канлы гуртысь клубын ужасьёс но гуртысь лулчеберетэз ӝутӥсьёс. Сое возьматозы клубын 22-тӥ шуркынмонэ. Со сярысь ивортэ аслаз бамаз Канлы гуртын улӥсь, Ахметово шор ёзо школаысь директорлэн воштӥсез Фаниля Шаймутдинова.

Спектаклез пуктозы гуртын улӥсь мыло-кыдо адямиос, кудъёсыз сюлмысь висё гурт калык понна, солэн вуоноез сярысь сюлмасько.
«Без Егора будет горе» («На все село один мужик») пьесаез белоруссиысь драматург Василь Ткачёв гожтӥз. Нырысь со белорусс кылын гинэ вылэм, берло автор ачиз ик ӟуч кылэ берыктэм. Кырӟанъёсын но эктонъёсын, шулдыр но огдыре кӧня ке ӝож комедиын усьтӥсько атайёслэн но нылпиослэн, бадӟымъёслэн но егитъёслэн кусыпъёссы, гуртэз яратон сярысь темаос ӝутӥсько.
Спектакль Театрлэсь арзэ йылпумъянлы сӥземын.
Читайте нас: