-10 °С
Салкым
Антитеррор
Вань иворъёс
Лулчеберет
20 ноябрь 2019, 11:00

"Анай, атай, мон - ми удмурт семья"

Таӵе нимын конкурс Пермь улосвылысь Чернушка городлэн шаертодонъя музеяз куинетӥзэ ортчиз ни. Радъя сое Чернушкаысь удмуртъёслэн "Италмас" центрзы. Туэ отчы пыриськыны бускель Куеда ёросысь но мылкыд каризы.Валамон ини, городын улыса, удмурт нылпиос эшъёсынызы, школаын ӟуч сямен вераськыса будо. Соин ик удмуртлыкез утёнын семьялэн валтӥсь интыез луэ. Со понна ик ортче та конкурс, нылпиос мед тодозы выжызэс, удмурт сям-йылолъёс сярысь кыӵе ке но тодон-валанзы мед луоз, анай кылынызы кырӟан-эктонъёсты мед кырӟалозы-эктозы, анай-атайёссэс мед гажалозы шуыса.

Праздникез задор удмурт кырӟанэн "Эшъёс" удмурт коллектив усьтӥз. Куедаысь Шайхиевъёслэн, Чернушкаысь Бадрисламовъёслэн но Зиятовъёслэн семьяоссылэн котькудзылэн асьсэ историзы, асьсэ тунсыко учыръёссы, йылолъёссы. Усто пӧрмиз «Генеалогическое древо семьи» конкурс. Выжы писпузыя нылпиос ӵыжы-выжыоссы сярысь веразы. Нош "Сладкий мир" конкурсын удмурт сиён-юонъёсын тодматӥзы. Вормиз Зиятовъёслэн семьязы.
Читайте нас в