Эшъяськыса уло пӧртэм калыкъёс

Ёрос ужрад Калыкъёслэн огкылысь луон нуналзылы сӥземын вал. Со «Ночь искусств» быдэсросси акция улсын радъяськиз. Ужрадлэн лозунгез - «Искусство объединяет».

- Гуртамы улӥсь удмуртъёс калык пӧръёсын но пыжиськемъёсын адӟытон дасязы. Ӝӧк вылъёсты шулдыртӥзы ческыт табань, пельнянь, перепеч, кыстыбей, сур но мукет сиёнъёс. Бадӟым тау Замфира но Анатолий Абдуллинъёслы, Нагима Ахметдиновалы, Люба Юртаевалы, Римма Хайдаршиналы ужрадэ азинлыко пыриськемзылы. Со сяна, тау кылъёсмес вераськом Райса Валиевалы, Минегавгар Рахметовалы бигер кухняысь сиён-юонъёсты - эчпочмак, чак-чак, зур-бэлиш, курут - дасямзы понна. Нимысьтыз тау шуиськом Ольга Багаутдиновалы но Нина Мусиналы, - гожтэ вотэсбамаз Выль Зирган школалэн директорез Галиахмет Рахметов.

Фотоос Г. Рахметовлэн вотэсбамысьтыз басьтэмын.