+14 °С
Салкым
Антитеррор
Вань иворъёс
Лулчеберет
30 Октябрь 2019, 17:13

Фестиваль-марафон Татышлы ёросысь пӧртэм калыкъёслэсь эшъяськыса улэмзэс возьматӥз

29-тӥ октябре шоркарысьтымы филармониын ортчем "Страницы истории Башкортостана" фестиваль-марафон Татышлы ёросын пӧртэм калыкъёслэсь эшъяськыса улэмзэс возьматӥз.

Со сцена вылын чузъяськем кырӟанъёс но эктонъёс пыр гинэ ӧвӧл, фойее дасям адӟытонъёс пыр но шӧдӥськиз. Татын удмуртъёслы но бадӟым инты висъяськиз. Асьме калыкен тодматон но удмурт сэрег дасян сярысь сюлмаськизы БР-ысь удмуртъёслэн национально-культурной центрзы, историяя но культурая центрзы, Вязовкаысь "Уӵы ныл" ансамбль. Куноос синмаськыса учкизы куиськон станокез. Со сьӧрын Чернушкаысь Эльвира Васиуллина пукиз.
Адӟытонын "Ошмес" газетэн но тодматскыны луиз. Давлекановоысь куно газетъёсты адӟыса паймиз. "Башкортостанын удмурт кылын но газет потэ-а? Кыӵе тӥ шудоесь! Поръёслэн но, чувашъёслэн но, удмуртъёслэн но анай кылынызы лыдӟиськемзы луэ. Данъяське соин!"
Читайте нас: