Ижкарын башкиръёслэсь "Курай" центрзэс усьтӥзы

Выльысен улӟытэм центрлэн презентацияз башкиръёслэн Быдэсдунне курултаязы пырисьёс, БР-ысь но УР-ысь национально-культурной огазеяськонъёсысь активистъёс, Удмуртилэн ёросъёсысьтыз делегациос пыриськизы. Ужрадын Ирина Муллаяновна Самигулова БР-ысь удмуртъёслэн историко-культурной центрлэн уженыз, Салим Гарифуллович Гарифуллин удмурт национально-культурной центрлэн БР-ысь удмуртъёслэн улоназы кыӵе инты басьтэменыз тодматӥзы. "Курайлы" ӟеч ужан сӥзизы. Удмуртиысь башкир обществолы кузьым луиз Нефтекамск городысь госфилармониысь артистъёслэн кырӟам-эктэмзы но Ижкарысь камсьӧр удмуртъёслэн огазеяськонзы бордын ужась ""Ӟаныкай" ансамблен кивалтӥсьлэн Александр Миниахметовлэн кураен шудэмез.