Нырысетӥ экологической этнофестиваль "Эктоника-ТабаньФест"

Удмурт Элькунысь Шаркан ёросын Тол Бабайлэн юртъераз туэ 12-13-тӥ пӧсьтолэзе "Эктоника" опен-эйр улсын "ТабаньФест"нырысетӥ экологической этнофестиваль ортчиз. Малы со экологической лыдъяськиз? Ужрадын одӥг пол кутӥськыны ярась тусьты-пуньыосын сиён-юон вузаны лэземын ӧй вал, со сяна, куштоно жуг-жагез волонтёръёс нимаз контейнеръёсы тыризы. Нош кык нуналлы палаткаосын лэктэмъёс асьсэ тусьты-пуньыосcынызы лыктӥзы. Кык нунал инбам улын шулдыр крезьгур, кырӟанъёс, шумпотыса пумиськонъёс, пӧртэм ӵошатсконъёс, интерактивной плащадкаос, пӧсь табань но мукет сиён-юон - ваньмыз со луиз Тол Бабай дорын. Тужгес тодэ кыльымонэз ужрад - инбам улын удмурт эстрадаысь кизилиослэн концертсы. Ӵапак со поннагес, билетъёслэн дунзы шоры учкытэк, лыктэ татчы пӧртэм интыосысь калык. Бере уг кылё Башкортостанысь егитъёс но. Ӵектӥськом со концертэз тӥледлы но учкыны. Алигес со пуктэмын youtube.com сайтэ.