Михаил Федотовлы туннэ 61 арес тырмысал

Вакчи но яркыт улонэз ортчем нырысетӥ бесерман кылбурчилы туннэ, 7-тӥ коньывуонэ, 61 арес тырмысал. Солэн кылбур дунеезлэн валтӥсь темаез - калыкезлэсь асваланзэ ӝутон, улонысь аслэсьтыз интызэ утчан. Кылбуръёсызъя кырӟанъёс пӧрмемын, одӥгзэ кырӟазы Вячеслав Ар-Сергилэн "Тонэ кожай вал юг дыдык" комедияз.

Юг дыдык

Кылъёсыз Михаил Федотовлэн, крезьгурез Николай Шабалинлэн

Тыныд гинэ усьто мон сюлэмме,

Ӧвӧл кужым тазьы курадӟыны.

Куке кайгу сьӧлта вамышъёсме,

Куке адӟон ӧте пумиськыны.

Куке сьӧрад вужер выллем ветлэ,

Висён музэн кортна тонэ жадён.

Куке мылкыд сётскон сярысь ялэ,

Куке ноку уз лыкты ни утён.

Нош кытын ке бӧрдэ ук осконэ,

Лопыръяське шудтэм юг дыдыке.

Ӧй тоды мон ноку вӧсяськонэз,

Воршуд азььн бадӟым ик сьӧлыке.

Сӧсыр сюлэм сюсьтыл кадь дырекъя,

Яра вылам медаз экты калык.

Кинлы оски — пиштэ но ворекъя,

Нош мон сое кожай вал юг дыдык.

***

Калыкезлы вазиськонэз мур пуштросо, туж трагичной, азьпалэзлы осконтэм:

Югдурдэ валась но туж чидась,

Эрикез гажась но ляб кыло,

Вазьыны пумит лекос курдась.

Син азям озьы ик тон сылод:

Сантэмам тусо, но оскыса,

Оло нош, куке-соку кулод,

Весь тазьы уд улы векаса.

Вöтъёсам озьы ик тон кылёд:

Тэльмырись, бöрдüсь шуген-лекен.

Осто, Инмаре, оло кылод?

Тон сярысь гожтü мон,

калыке

Миxаил Федотов.