-4 °С
Салкым
Вань иворъёс
Лулчеберет
3 Октябрь 2019, 12:01
Кылбурчилэн Пётр Захаровлэн кылбур пыр удмуртъёслы вазиськонэз
…Дунне вылын одӥг гинэ анай,Уд вошты анайдэ мурт анаен.Анай кылын гинэ чебер кырӟай,Ӧй тодма шаерме мукет кылэн.Удмуртъёс понна сюлэм шугзэ тазьы вера Пётр Михайлович Захаров - удмурт поэт но драматург, "Инвожо" журналлэн валтӥсь редакторез. Нош улӥын сётэм кылбурез лыдӟыса, тросэзлы возьыт но, дыр, потоз. Малы ке шуоно отын сётэм юанъёслы тросэз валэктон сётыны уз быгатэ.
Кӧня книга лыдӟид удмурт кылын?
Кыӵе удмурт роман, кыӵе верос?
Пукид-а тон удмурт спектакльын?
Вань-а йырад удмурт выжыкылъёс?
Кӧня удмурт кылбур пыриз сюлмад?
Кӧня кылбурчиез тон тодӥськод?
Кудзэс-о тон соос пӧлысь валад?
Кудзэс-о ӵемысьгес лыдӟылӥськод?
Кыӵе калык визьбур тонэ возьма?
Кыӵе удмурт журнал лыктэ дорад?
Кызьы удмурт кылэд тынад юнма?
Шока-а со, улэ-а котырад?
Лоба-а котырад удмурт бурдо?
Удмурт пӧйшур улэ-а тэльёсад?
Удмурт турын-сяська, удмурт писпу
будо-а, веттасько-а котырад?
Кыӵе удмурт сиён, кыӵе сюкась
шулдыртытэ удмурт куно ӝӧктэ?
Кӧмеч но кӧжыпог,ӵӧжи, тыкмач,
акач-тукач отчы ӧз-а потэ?
Ӧз-а потэ отчы кӧжы кисаль,
чумер, гондыр тяпа, дыр-дыр, пот нянь,
кудзэ ӧз адӟы нокыче Версаль,
кудзэ уз вормы нокыӵе пельнянь –
гурысь ӟазег но ӵӧж, така макес,
зэмос курег-чипы, зэмос атас,
ма, медло кубиста ӟеч йӧгуысь,
ма, медло сур сыӵе шукы поттӥсь…
Ӧвол, эшъёс, вандо кумышкатэк,
кызьы шуо, котыръятэк-мартэк:
коть кырӟалэ чебер удмурт кырӟан,
коть дӥсялэ чебер удмурт марӟан,
коть вераське дыг-мог удмурт кылын,
коть луэлэ улын яке вылын,
нылпиостэс тӥ кариды ке мурт,
тӥ мон понна уд луэлэ удмурт.
Пётр Захаров.
Читайте нас:
Учредитель: Агентство по печати и средствам массовой информации Республики Башкортостан
Регистрационный номер: Свидетельство ПИ № ТУ02-01536 от 6 июня 2016г.
Главный редактор: Нигаматуллина Оля Борисовна
Газета "Ошмес" - общественно-политическая, социальная, культурно-просветительская газета удмуртов Республики Башкортостан.
Телефон
Телефон+7 (34778) 2-11-89, 2-18-71
Электронная почта
Адрес
452830, Республика Башкортостан, Татышлинский район, с. Верхние Татышлы, ул. Ленина, д. 91