Ташкичиысь удмуртъёс республика конкурсын вормисьёс пӧлын луизы

Со 27 ёросъёсысь но 10 городъёсысь 700-лы матэ кырӟасьёсты, крезьгуро инструментъёсын шудӥсьёсты огазеяз. 27-тӥ куарусёнэ солэн гала-концертэз ортчиз. Конкурс Фольклориадае дасяськон улсын радъяськиз.

"Конкурсэ ми фольклор композиция дасямы. Со няньлэсь ӝӧк выламы вуэмзэ возьматонлы сӥземын вал", - вера "Пинал сюлэмъёс" калык ансамблен кивалтӥсь Гульнара Сафиева. Ташкичиос "Фольклорно-музыкальная композиция" номинациын кыкетӥ степенё дипломен пусъемын. Соосты сюлмысь ӟечкыласьком вормонэнызы!