Алтауысь «Инвожо» ансамбль – «Фолк-драйв» акциын

Отчы егитъёс, культура юртъёсын ужасьёс пыриськизы.

Газетмылэн 38-тӥ номераз Бурай ёросысь Мамады гуртын «Фолк-драйв» акция улсын ортчем ужрад сярысь гожъямы. Нош Алтау гуртысь «Инвожо» калык ансамбль (кивалтӥсез Ирина Шарафутдинова) та акция улсын Бурайын ортчем ужрадэ пыриськиз. Ужрадэ лыктэмъёс бурай музъемын улӥсь калыкъёслэн лулчеберетэнызы тодматскизы: центральной площадьын удмурт, бигер, башкир, ӟуч но мукет кырӟан-гуръёс чузъяськизы. Со сяна, калык творчествоя адӟытонъёс, мастер-классъёс радъяськизы.