Башкортостанысь удмурт гожъяськисьёс но крезьгурчиос дась огазьын ужаны

Гожъяськон кинлы ке сётӥське, нош кин ке, трос пӧсям вузэ ке но кисьтӥз, кык чур сяна гожтыны уз быгаты. Прозаен ма но со гожтыны пишмытозы ик, дыр, нош кылбур дуннее сюрес ваньзылы уг усьтӥськы. Нош кылбурчилэн кылъёсызъя кырӟанъёс ке пӧрмо, со, дыр, бадӟым шуд, куке гожтэм чуръёсыд кырӟаны кутско.

Йӧно гожъяськисьёс, ежесьёсыз но, кык крезьгур пӧрмытъясьёс вуизы Выль Татышлыысь удмурт модельной библиотекае. Ма муген? Творческой адямиос, кудъёсыз уг быгато гожъяськытэк но крезьгуртэк улыны, кулэ каризы асьсэлы нимысьтыз клуб кылдытыны. Со ужалоз историяя но культурая центр бордын библиотекалэн но "Ошмес" газетлэн юрттэмзыя. Кыӵе со луоз, кызьы ужалоз, азьпалан учком, нош али солэн нимыз но ӧвӧл на. Но вераськемын ни лэсьтыны нырысетӥ ужрадэз - самодеятельной композиторъёсын пумиськонэз. Учкелэ, лыдӟелэ, дунъялэ.