+24 °С
Салкым
Антитеррор
Вань иворъёс
Лулчеберет
29 августэ 2019, 14:19

Сяськаос пӧлы книгаос ватӥськиллям

Шудекысь культура юртэ пырыку, синъёсты пӧртэм сяськаос мальдыто. Бархатцы, георгин, флокс но мукетыз котькинэ шумпотто. Палэнэгес кык тӧдьы юсьёс интыяськиллям.

Шудекысь культура юртэ пырыку, синъёсты пӧртэм сяськаос мальдыто. Бархатцы, георгин, флокс но мукетыз котькинэ шумпотто. Палэнэгес кык тӧдьы юсьёс интыяськиллям. Культура юрт вӧзы арлы быдэ таӵе аспӧртэм выжыкыл дунне усьтӥське. Нош туэ татын ужасьёс садзылы мукет шӧм пыӵатыны тыршизы. Соос сяськаос пӧлы пӧртэм «книгаослы» инты шедьтӥзы. Культура юртлэн липет улаз ик библиотека но интыяськемын угось. Зэм, татын ужасьёс зэмос книгаосты садазы поттыны дӥсьтӥллямтэ, соосты цементлэсь тупатӥллям.
«Садамы книгаос пуктонэ трос адямиос кужымзэс понӥзы, - вера библиотекаен кивалтӥсь Людмила Садыкова. – Ансамблямы ветлӥсь Валентина Шарипова, кылсярысь, соосты штукатурить кариз, Лунтикез, книгаосты культура юртамы ужась Людмила Давлетшина суредаз. Трос тыршиз культура юртамы ик ужась Руслан Зайдуллин. Со пӧртэм ужъёсты быгатыса лэсьтэ». Нош буяськон ужъёсты Ангелина Менгафарова, Людмила Садыкова но Диана Гатауллина быдэстӥллям.
Агния Бартолэн кылбуръёсыныз, Александр Пушкинлэн выжыкылъёсыныз, Лев Толстойлэн «Война и мир» роман-эпопеяеныз книгаос садысь сяськаосын ӝог огкыл шедьтӥзы. Гуртысь калыклэн сюлмаз но, оло, соос сюрес шедьтозы, лыдӟиськон дуннеен эшъяськытозы.
Ольга НИГАМАТУЛЛИНА.
Читайте нас: