Вуж Варашын возьмало куноосты

Янаул ёросысь Вуж Вараш гуртысь культура юрт но гурт библиотека одӥг юртэ интыяськемын. Ужрадъёсэс но та лулчеберетэз возись юртын ужасьёс ӵош ортчыто. Соос котьку маке но выльзэ малпало, нылпиос вужзэ медаз вунэтэ шуыса но сюлмасько. Туспуктэмъёсын - пичи классъёсын дышетскись нылпиос понна радъям "Удмурт фольклорен тодматскон" ужрадысь кадръёс. Ӵуказе Вуж Варашын нош ик бадӟым ужрад ортчоз. Татын Гуртлэн нуналэз ортчоз. Соку ик школалэсь юбилейзэ пусъёзы. Праздникъёсты ортчытонэ трос кужымзэс поно школаын, культура юртын, библиотекаын, Вуж Вараш гурт поселенилэн администрацияз но "Восток" СПК-ын ужасьёс.