Надежда Бабкина, «Аргымак», «Би-2» - Уфаын «Евразилэн сюлэмыз» фестиваль мынэ

Уфаын "Евразилэн сюлэмыз" V-тӥ Калыккуспо искусствоосъя фестиваль кутскиз. Со ужзэ опен-эйр (кырын) форматэн мытӥз. Уфаысь амфитеатре тросэз семьяосынызы шутэтскыны лыктӥзы. Усточиослэн "Кибашлыослэн карзы" магазинъёс ужазы. Ужрадэз радъясьёслэн верамзыя, фестивальлэн нырысетӥ нуналаз 45 сюрс адями пыриськизы. Соос пӧлын - БР-лэн Тӧроезлэсь ужзэ быдэсъясь Радий Хабиров кузпалыныз.

Концерт программаез усьтӥз Санкт-Петербургысь "Ингервала" группа. Со дыре ик Башкир драмая театр бордысь национальной костюмъёсын парад вырӟиз но "Ватан" этно-парке васькиз.

Ӝытлэн кыкетӥ люкетэз сётэмын вал Надежда Бабкиналэн «Песни России» XII Быдэсросси фестиваль-марафонэзлы. Со туэ Башкортостанын гинэ ортче, сӥземын БР-лэн 100 арес тырмонэзлы. Отын кырӟазы-эктӥзы: Москваысь фольклоръя «Русская песня» кун академической театр, сыӵе ик нимын ансамбль, "Живая планета" шоу-балет, «Мерема» этнографической фольклорной студия , «Айланыс» фольклор ансамбль, эктонъя но кырӟанъя "Мирас" фольклор ансамбль, «Zainetdin» этно-шоу проект но мукет коллективъёс но нимаз артистъёс.

Туннэ ӝыт, 13-тӥ инвожое, Нырысетӥ бал но Симфонияя уй луоз. БР-ысь Национальной но егитъёслэн симфонической оркестренызы валче концерт возьматозы БР-ысь калык артист Аскар Абдразаков, БР-ысь сӥё-дано артист Артур Назиуллин, Япониысь куноос Сэйити Фурукава но Наталья Юрканова но мукет.

Дасямын: /ИА «Башинформ», Лейла Аралбаева/.