Татышлы ёросын Гырон быдтон но "Выжыосын тодматскон" праздникъёс ортчизы

Татышлы ёросын Гырон быдтон но «Выжыосын тодматскон» праздникъёс ортчизы. Гырон быдтонын ёросысь гурт удысысь устооссэ ужасьёсты данъязы. Шумпотыса верано, соос пӧлын удмурт хозяйствоосын тыршисьёс но трос луизы. «Выжыосын тодматскон» празднике Татышлы ёросысь котькуд гурт поселение дасяськиз. Соос гуртсы, дано адямиоссы сярысь трос тунсыко материалъёс дасяллям. Со сяна, шежере дасянъя, суредъёсъя, семьяослэн калык творчествозыя «Ғаиләм-минең ҡәлғәм», егит нылъёс пӧлын «Йәш килендәр» конкурсъёс, научно-практической конференция ортчизы. Семьяослэн конкурсазы вормисе потӥз Татышлы ёросысь Вязовкаысь Нуриахметовъёслэн семьязы, куинетӥ интыын - Улысь Балтач гуртысь Гильмаутдиновъёс.