"Инвожоосты" огазеяз "Инвожо-FEST"

«Инвожо». Туннэ тросэз ансамбльёс таӵе нимез нулло. Нош тямысэтӥ инвожое соос ваньзы огинэ люкаськыны быгатӥзы. Ансамбльёсты огазеяз «Лудорвай» музей-заповедникын ортчем «Инвожо-FEST» регионъёс куспысь фестиваль. Таӵе фестиваль Ижевскысь «Инвожо» ансамбльлэн кичӧлтэмезъя туэ кыкетӥ ползэ ортчиз. Отчы Удмуртиысь, Татарстанысь, Башкортостанысь, Тюмень улосвылысь ансамбльёс вуизы. Фестивале республикаысьтымы Янаул ёросысь Нанядыысь ансамбль пыриськиз.