-18 °С
Салкым
Антитеррор
Вань иворъёс
Лулчеберет
4 Июне 2019, 22:31

Удмурт нылкышно клублэн ёзчиосыз Москвае вуылӥзы

БР-ысь удмуртъёслэн ИКЦ-ысьтызы валтӥсь ӧнерчи И.М. Самигулова но удмурт нылкышно клублэн ёзчиосыз Москваысь бертӥзы. Ма вал отын?

Гужемлэн нырысетӥ нуналаз БР-ысь Калыкъёслэн эшъяськон юртсы бордын ужась удмурт ИКЦ-ын кылдэм удмурт нылкышно клублэн ёзчиосыз Москваын «День бабушки» ужрадэ пыриськизы. Огезлэсь чебер огез камсьӧр удмурт костюмен вить апай-кенакъёс тодматӥзы асэнызы, башкир удмуртъёс, «Эшъяськон тугоко» клубзы сярысь веразы, кырӟан гуръёссэс кырӟазы.
«День бабушки» удмурт праздник кылдытэмын Брангуртысь песяйёслэн Евровидение-2012-ын усто выступленизы бере. Со 26-тӥ куартолэзе семья йылолъёсты утён, пересьёслы гажан мылкыд пыӵатон вылысь пусйиське. Камсьӧр апай-кенакъёс мастер-классъёсы пыриськизы, адӟытонъёсты учкизы, Москваен тодматскизы. Ужрадлэн кутсконаз Татышлы ёросын Выль Татышлы гуртын вордскем но али Москваын улӥсь Людмила Хамидуллиналэн (али Чернова) нылыз Валерия Ирина Самигуловалэсь песяйёслы сӥзем удмурт кылын кылбурзэ лыдӟиз. Праздниклы сӥзем концерт дыръя Брангуртысь песяйёсын «улэп» телемост но радъяськиз.