-10 °С
Салкым
Антитеррор
Вань иворъёс
Лулчеберет
22 куартолэзе 2019, 18:02

«Дуно марӟанъёс» республика фестивальлэн ПОЛОЖЕНИЕЗ

«Дуно марӟанъёс» республика фестивальлэн ПОЛОЖЕНИЕЗ

I. Фестивалез радъясьёс.
Фестивалез радъяло БР-ысь Калыкъёслэн эшъяськон юртсы, БР-ысь удмуртъёслэн Национально-культурной центрзы, БР-ысь удмуртъёслэн историяя но культурая центрзы, Ижевскысь Камсьӧр удмуртъёслэн огазеяськонзы, Татышлы ёрос администрация.
II. Фестивальлэн ужпумъёсыз: БР-ын улӥсь удмуртъёслэсь фольклор сямъёссэс утён, выжыысь выжые выжтон но азинтон; фольклор удыслэсь югдурзэ эскерон но сое азинтонын ужпумъёс кутон; калык культураез улӟытонъя, утёнъя пайдаё но тунсыко амалъёсты шараян но сое азьланяз уже кутон; фольклор коллективъёслэсь быгатонлыкъёссэс азинтон; устоесь коллективъёсты шараян.
III.Фестивалез ортчытон радлык:
1. Удмурт фольклор коллективъёслэн республика фестивальзы 2019-тӥ арысь 1-тӥ инвожо толэзе Татышлы ёросысь Выль Татышлы гуртын ортчоз. Кутскоз 11.00 часын.
2. Фестивале пырисько фольклор коллективъёс, кудъёсыз утё гуртъёслэсь йылолъёссэс, кырӟан-веранъёссэс но кудъёсызлэн репертуаразы фольклорлэн пӧртэм жанръёсыз (калык праздникъёс, сямъёс, йылолъёс, калык шудонъёс но мукетыз) возьматэмын.
3. Ужрадэ пыриськыны быгато пӧртэм арлыдо адямиос. Коллективын котькӧня адями луыны быгатоз.
4. Выступленилы сётӥське 10 минут дыр.
5. Фестивальлэн программаяз луоз: фестивалез усьтон; фольклор коллективъёслэн конкурссы; вормисьёсты данъян но фестивалез йылпумъян.
IV. Жюри дунъялоз: быдэстэм устолыксэс; сцена вылын асьсэды воземзэс; репертуарлэсь конкурслэн куронъёсызлы тупамзэ.
V. Вормисьёсты данъян:
Конкурсэ пыриськемъёслы сётӥсько таӵе нимъёс:
- лауреат но Гран-прилэн кузёез;
- лауреат (куинь степенё);
- номинантъёс.
Жюри быгатэ: вань призо интыосты сётытэк; кыӵе ке интыез кӧня ке коллективъёслы сётыны. Со сяна, луыны быгато общественной организациослэн но спонсоръёслэн призъёссы.
VI. Фестивалез радъяны коньдон висъян.
Конкурсэз радъяны коньдон висъяло БР-ысь Культурая министерство, Татышлы ёрос администрация, озьы ик кутӥсько спонсоръёслэн – кун организациослэн но предприятиослэн, коммерческой структураослэн но ужбергатӥсьёслэн - коньдонзы.
Командировочной расходъёсты ас вылазы басьто ыстӥсь организациос.
VII. Оргкомитет.
Фестивале дасяськон но отчы пыриськон пумысен юанъёсын вазиськыны луоз Башкортостанысь удмуртъёслэн историяя но культурая центразы (34778)3-21-91 номеро телефонъя яке [email protected] электрон почта пыр.
Читайте нас в