Быдӟымнал

Быдӟымналэз одӥгаз удмурт гуртэ люкаськыса ортчытон Янаул ёросын йылоллы пӧрмемын ни. Кылем арын та праздник Банибаш гуртын ортчиз. Туэ куноосты Каймашабаш пумитаз. Ульча тыр чузъяськись крезьгур вань мылкыд карисьёсты гуртысь клубе ӧтьыса выллем жингыраз. Удмурт сям-йылолъёсты сӥлы карисьёс ваньзы ужрадэ вуизы. Клублэн залэз калыкен тырмиз.

Каймашабашъёс куноосты пумитаны пыр-поч дасяськиллям. Ӝӧкъёс ческытэсь пӧръёсын тырмемын. Ужрадэ вуэмъёсты праздникын ческыт чаен, куриськем ӝукен куноязы. Ӟеч мылкыдзэс кузёос шулдыр кырӟан-крезьгуръёссы, эктонъёссы пыр возьматӥзы. (Быдэсак материалэз газетысь лыдӟоды).

Миляуша БУЛАТОВА.