-23 °С
Яркыт
Антитеррор
Вань иворъёс
Лулчеберет
20 февраль 2019, 12:59

Киностудия – удмуртъёс дорын

«Башкортостан» киностудия «Костюмы народов Башкортостана» документальной фильм лэсьтон борды басьтӥськиз.

«Башкортостан» киностудия «Костюмы народов Башкортостана» документальной фильм лэсьтон борды басьтӥськиз. Та уж 2020-тӥ арын Уфаын ортчоно Быдэсдунне Фольклориадалы дась луыны кулэ. Режиссёрез – Радик Кильмаматов. Киноын республикаямы улӥсь куать калыкъёслэн лулчеберетсы но костюмъёссы возьматӥськозы.
Алигес киностудия ужаз Ермекей ёросысь удмурт Купченеево но эрзя Выль Сулли гуртъёсын. Выль Сулли гуртын Ермекей ёросысь удмурт огазеяськонэн кивалтӥсь Анастасия Вождаева но 47 удмурт-эрзя сураськем семьяос уло. Видеосъёмкае удмуртъёслэн «Тодэ ваён» но «Зангари» ансамбльёссы пыриськизы. Вераны кулэ, Купченеево гуртысь «Тодэ ваён» ансамбльлы 68 арес ни, нош отысь тужгес мӧйы кырӟасьлы но домбраен (балалайкаен) шудӥльлы Ефросинья Николаевна Макаровалы – 90 арес. Ансамбльёсысь усточиос «Пукись ӧтчан» (посиделки) сценарий возьматӥзы, кырӟазы, эктӥзы, удмурт шудонъёс, киужен выремзэс, Купченеево гуртын улӥсьёслэсь удмурт дӥськутсэс возьматӥзы, удмурт сиён-юонъёсын тодматӥзы, А. Вождаева вылын традиционной удмурт йыр кышетсэс – сюрокез – керттыны дышетӥзы. Таӵе аспӧртэмлыко кышетэз нулло вылькенлэн эшъёсыз гинэ. Купченеевоысь усточиос сое керттон амалэн егитъёсын но люкисько.
Дасяз Анна БАЙДУЛЛИНА.
Читайте нас в