-15 °С
Яркыт
Антитеррор
Вань иворъёс
Лулчеберет
3 декабрь 2018, 18:43

«Выжы кыл» ортчиз выжыкылын кадь

Нырысетӥ толсуре Свердловск улосысь Дегтярск городын Удмурт кыллэн нуналэзлы сӥзем «Выжы кыл» фестиваль ортчиз. Фестивале пыриськизы Екатеринбург, Дегтярск, Ирбит, Ревда, Вылысь Пышма, Реж городъёсысь, Каменск ёросысь Сосновское но Ревда ёросысь Первомайское гуртъёсысь удмурт кылэз, культураез яратӥсь но утись коллективъёс. Палэнысь ӧтемын вал ми, Татышлы ёросысь Калмияр гуртысь «Инвожо» но Удмуртиысь Пичи Пурга ёросысь «Пурга мылкыд» ансамбльёс.

Нырысетӥ толсуре Свердловск улосысь Дегтярск городын Удмурт кыллэн нуналэзлы сӥзем «Выжы кыл» фестиваль ортчиз. Фестивале пыриськизы Екатеринбург, Дегтярск, Ирбит, Ревда, Вылысь Пышма, Реж городъёсысь, Каменск ёросысь Сосновское но Ревда ёросысь Первомайское гуртъёсысь удмурт кылэз, культураез яратӥсь но утись коллективъёс. Палэнысь ӧтемын вал ми, Татышлы ёросысь Калмияр гуртысь «Инвожо» но Удмуртиысь Пичи Пурга ёросысь «Пурга мылкыд» ансамбльёс.
Бадӟым сцена огазеяз пӧртэм регионъёсысь удмуртъёсты. Сцена вылын огез бӧрсьы мукетыз чузъяськизы вашкала но туала кырӟанъёс. Учкисьёс туж кужмо кичабонъёсын пумиталлязы но келяллязы сцена вылысь артистъёсты. Котькуд коллектив ужрадэз тунсыкоесь номеръёсын чебертӥз. Ми шедьтӥмы выль эшъёс, выль кырӟанъёс, ӝутскем мылкыдын нош пумиськыны мед гожтоз шуыса сӥзёнэн бертӥмы. Дегтярскысь милемыз куное ӧтись но пумитась «Италмас» ансамбльысь артистъёслы бадӟым тау шуиськом. Палэнын улыса но, удмурт кылзэс вунэтонтэм, будӥсь нылпиоссылы кельтон вылысь соос туж бадӟым уж нуо. Ужрадэз ортчытонэ но соос трос кужымзэс понӥллям. Туж узыр ӝӧквыл дасяллям. Тӥласьком соослы Выль аре выль азинсконъёс, выль вормонъёс, выль кырӟанъёс но выльысь пумиськонъёс.
Индира ШАЙСЛАМОВА, Калмияр культура юртысь худрук.
Татышлы ёросысь Калмияр гурт.
Газета Ошмес
Читайте нас в