Ӵыжы-выжы калыкъёслэн нуналъёсазы кинъёс пыриськозы?

Башкортостанысь Татышлы ёросысь «Шулдыр ӝыт» но «Уӵы ныл» ансамбльёс пӧртэм аръёсы Ӵыжы-выжы калыкъёслэн нуналъёсазы пыриськылӥзы. Со арлы быдэ коньывуон толэзе Эстониын ортче.

Ӵыжы-выжы калыкъёслэн нуналъёсазы Россиын но мукет кунъёсын улӥсь финн-угор калыкъёслэн пӧртэм творческой коллективъёссы мыно. Туэ та ужрадын Эстон Республикалэн 100 ар тырмон юбилеезлы бадӟым саклык висъяськоз. Ӵыжы-выжы калыкъёслэн нуналзылы сӥзьыса, Эстонилэн пӧртэм сэрегъёсаз ортчозы концертъёс, презентациос, конференциос, семинаръёс, адӟытонъёс, кино учконъёс, финн-угор кухнялэсь сиён-юонъёссэ оскалтон-веръянъёс, калык ӧнеръёслы дышетсконъёс но мукет. Туэ нырысьсэ финн-угор калыкъёслэн эктонъёссылы сӥзем фестиваль ортчоз, кытын удмурт, ненец, венгер калык эктонъёсты дышетон мастер-классъёс радъяськозы. Удмурт эктонъёслы «Эктон корка» студиысь артистъёс дышетозы.

Коньывуонлэн куинетӥ арняяз таӵегес ик праздник ортче мукет финн-угор регионъёсын но: Финляндиын, Венгриын, Россиысь куд-ог интыосын.

Читайте нас в

Учредитель: Агентство по печати и средствам массовой информации Республики Башкортостан

Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна

Газета "Ошмес" - общественно-политическая, социальная, культурно-просветительская газета удмуртов Республики Башкортостан.

Телефон

Телефон+7 (34778) 2-11-89, 2-18-71

Электронная почта

[email protected]

Адрес

452830, Республика Башкортостан, Татышлинский район, с. Верхние Татышлы, ул. Ленина, д. 91