Ӟеч лу, шулдыр гужем!

Гужемлэн берпуметӥ нуналаз культура юртын ужасьёсын ӵош нылпиослы «До свидания, лето красное!» ужрад ортчытӥм. Пиналъёс понна пӧртэм шудонъёс дасямын вал. Кылсярысь, «Солнышко и дождик», «Собери ягоды для варенья», «Сказочная поляна», «Спортивная поляна», «Ягодная поляна» но мукет.

Гужем библиотекаын «Библиотека, книжка, я – вместе верные друзья!» лыдӟиськонъя программа ужаз. Отчы гуртысь нылъёс но пиос азинлыко пыриськизы. Книгаосын эшъяськон тунсыко, аспӧртэм амалъёсъя радъяськиз: шудонъёс пыр пиналъёс выль тодон-валанъёс люкан дуннее кожылӥзы. Пичи лыдӟисьёсмы интеллектуальной, литературной шудонъёсы но шумпотыса вуылӥзы.

Каникул дыръя нылпиос библиотекае книга лыдӟыны яке ужрадэ пыриськыны гинэ ӧвӧл, кыӵе ке но киуженызы вырыны, шудыны лыктылӥзы. Гужемлы йылпумъян лэсьтон праздникын ужрадъёсы тужгес азинлыко пыриськемъёсты Данъян грамотаосын, ческыт кузьымъёсын пусйим. «Лето - 2018» конкурсын вормисе потӥзы Анна Хузина, Амир Хузин, Дарья Абдрафикова, Александра Абдрафикова но Анастасия Мухаметшина. Бадӟым тау, пиналъёс! Библиотекалэн ӧсъёсыз тӥ понна котьку усьтэмын. Ми тӥледыз шумпотыса витиськом. Дышетсконады выль вормонъёс!

Людмила САДЫКОВА,

Шудекысь модельной библиотекаен кивалтӥсь.

Янаул ёрос.