«Ингурлы» - 20 ар

Оштолэзьлэн берпуметӥ нуналаз Вылысь Тыхтем культура юртын «Ингур» удмурт калык ансамбльлэн кылдэмез дырысен 20 ар тырмонлы сӥзем бадӟым концерт ортчиз. Ужрад сярысь но фольклор коллективлэн ортчем сюресэныз тодматыса ансамблен кивалтӥсь Виктория Камидуллина гожтэ: «Концертэ туж трос калык люкаськиз, учкисьёслы ваньзылы залын инты ик ӧз тырмы. Пыриськизы Калтасы ёрос администрациен кивалтӥсь Юрий Садыров, ёрос Кенешлэн председателез Азат Габдрахманов, культура ёзэтэн кивалтӥсь Зелена Шамсутдинова. Соос туж трос шуныт кылъёс веразы, азьланяз «Ингурлы» выль вормонъёс сӥзизы. Со сяна, милемыз ӟечкыланы лыктӥзы Кельтейысь культура юртын ужась коллегаосмы. (Быдэсак материалэз газетмылэн вуоно номерысьтыз лыдӟоды).