«Калыкелэн кылыз крезьгуре биниське»

Бурай ёросын Семьялэн арезлы сӥзем фестиваль азинске. Лулчеберет удысын ужасьёс пӧртэм жанръёслы сӥзем конкурсъёсы мыло-кыдо пырисько. Крезьгур инструментъёсын шудонъя, кылбур веранъя «Калыкелэн кылыз крезьгуре биниське» ужрад но трос усточиосты люказ. Байшадыысь «Туганэ» ансамбле пыриськисьёс, кылсярысь, Брангуртысь песянайёслы пародия возьматыса, учкисьёслы задор мылкыд кузьмазы. Нош Мамадыысь «Купанча» но Алтауысь «Инвожо» фольклор ансамбльёс «Калык сям-йылолъёсы – чылкыт синучкон» конкурсэ вуылӥзы. Мамадыос «Гужем шудонъёс» постановка возьматӥзы, нош алтауос - «Турын ӝужаз».