-23 °С
Яркыт
Антитеррор
Вань иворъёс
Лулчеберет
1 февраль 2018, 16:36

Мунёос калык йылолъёсты, сямъёсты утё

Вашкала дырысен возиськем сямъёс, йылолъёс – калыклэн аспӧртэмлыкъёсыз. Фольклорлэн одӥгез люкетэз – со мунёос. Удмурт калыклэн улоназ но мунё бадӟым инты басьтэ. Пичи нылашез мунё улыны, ужаны дышетэ, шуыны луоз. Пересь песяйёсмы, ӵужайёсмы марлэсь гинэ мунё лэсьтылӥллямтэ! Басма кесэгъёслэсь но, писпу вайёслэсь но, шортлэсь но, чаглэсь но…

Вашкала дырысен возиськем сямъёс, йылолъёс – калыклэн аспӧртэмлыкъёсыз. Фольклорлэн одӥгез люкетэз – со мунёос. Удмурт калыклэн улоназ но мунё бадӟым инты басьтэ. Пичи нылашез мунё улыны, ужаны дышетэ, шуыны луоз. Пересь песяйёсмы, ӵужайёсмы марлэсь гинэ мунё лэсьтылӥллямтэ! Басма кесэгъёслэсь но, писпу вайёслэсь но, шортлэсь но, чаглэсь но…
27-тӥ толшоре Татышлы ёросысь Выль Татышлыысь модельной библиотекаын удмурт мунёлы сӥзем ужрад ортчиз. Сое радъязы БР-ысь удмуртъёслэн историяя но культурая центрзы но Уфаысь туризмъя, шаертодонъя но экскурсиосъя городской центр. Ужрадэ «Эшъяськон тугоко» нылкышноослэн клубазы пыриськисьёс сяна, Татышлы ёросысь библиотекаосын, культура юртъёсын но клубъёсын ужасьёс, школаосын труд урокъёсты нуись дышетӥсьёс, покчи классъёсын дышетӥсьёс пыриськизы, Уфаысь, Пермь шаерысь Чернушкаысь но куноос вуизы. Ужрадэз усьтыса вераськизы историяя но культурая центрысь валтӥсь ӧнерчи Ирина Самигулова, Выль Татышлы гурт поселенилэн администрациеныз кивалтӥсь Николай Рахимьянов.
- Удмурт дӥськутэн мунё вуронъя мастер-класс сярысь иворез кылыса, милемлы Чернушка городысь нырысетӥ номеро школаысь покчи классъёсты дышетӥсь Жанна Байрамшина вазиськиз. Со но ужрадэ лыктыны мылкыд кариз. Туннэ со татчы дышетскисеныз Регина Миниахметоваен вуиз. Нырысетӥ классын дышетскись «Песяелэн сандыкысьтыз» презентаци дасям. Бадӟым тау соослы. Ми туж шумпотӥськом, куке палэнын улӥсь удмуртъёс но милям ужрадъёсамы пыриськыны мылкыд каро, - шуиз И. М. Самигулова.
Ужрад куинь люкетъёслэсь сылӥз. Нырысь «Перспективы развития совместной экскурсионно-краеведческой и этнокультурной деятельности» темая котырес ӝӧк луиз. Собере Уфаысь туризмъя, шаертодонъя но экскурсиосъя центрысь ватсаса тодон-валан сётонъя дышетӥсь Владимир Корчев центрлэн ужезлы сӥзем презентаци возьматӥз. Владимир Владимировичез котькин сак кылзӥз, центрлэн ужез сярысь со сокем тунсыко мадиз, ваньзылэн Уфае экскурсие вуылыны мылкыдзы кылдӥз.
Мастер-классэз Уфаысь вуэм декоративно-прикладной творчествоя усточиос Татьяна Анохина, Ольга Мирончук но Любовь Булыгина радъязы. Библиотекаын соослэн ужъёсынызы «Кукольный хоровод» адӟытон дасямын вал. Кыӵе гинэ мунёос отын ӧвӧл! Аспӧртэм амалъёсын соос быдэстэмын. Усточиос ужзэс, быгатонлыкъёссэс возьматон сяна, лэсьтэм мунёоссы сярысь туж трос тунсыкозэ мадизы на. Удмурт калык дӥськут сярысь но веразы, люкаськем калыкез мунёос лэсьтыны дышетӥзы.
Мастер-класс каньыл лэйкась тулкымын выллем ортчиз. Лулысь-сюлмысь вераськонэз дырын-дырын крезьгур воштылӥз. Выль Татышлы культура юртын ужасьёс Зифина Фархутдинова, Зульфира Хатипова, Марина Низамова но Александр Галиев шулдыресь кырӟанъёссэс кузьмазы. Кылбур чуръёс но чузъяськизы. Нунал пайдаё но тунсыко пӧрмиз. Ужрадэ пыриськемъёслэн выль малпанъёссы кылдӥзы. Соос ужрадэз дасясьёслы ИКЦ-ысь валтӥсь ӧнерчилы Ирина Самигуловалы но ИКЦ-лэн методистэзлы Ксения Миллиятовалы пумтэм тау кылъёссэс веразы, выльысь пумиськыны кенешизы.
- Удмурт калык сярысь тросгес выльзэ ми тодӥм кылем арын, куке Ирина Муллаяновна, Ифира Сайфутдиновна, Зифина Ильдусовна ми доры «Воршуд распахивает крылья» ужрадэн вуылӥзы. Соку ик ми эшъяським, шаермылэн уйпалаз улӥсь удмуртъёслэн дӥськутъёсынызы тодматским. Оскиськом, ужмес азьланьтом. Вуоноын трос тунсыко ужрадъёс дасяломы на, - вераз Владимир Корчев.
Миляуша БУЛАТОВА.
Читайте нас в