История ортчем аръёсы берыктэ

Пермьын «Россия – моя история. Пермский край» исторической парк усьтӥськиз. Мультимедийной экспозициос кык юртъёсы интыяськизы.

Таӵе адӟытон туннэ Россиысь 15 городъёсын ужа. Пермьын, кылсярысь, Рюриковичъёслэн, Романовъёслэн кивалтон аръёсынызы, «От великих потрясений к Великой победе» но «Россия – моя история. 1945-2016» экспозициосын тодматскыны луэ. Адӟытонэз усьтонэ Свердловск чугун сюрес вылысь легендарной паравоз вуиз. Со пӧртэм аръёсты но со дыре улӥсь калыкъёсты герӟаз кадь. Нош чугун сюрес перронын театрализованной представление ортчиз. Отчы Куеда ёросысь Бадӟым Гондырысь «Тюрагай» ансамбль но пыриськиз. Со удмурт калыклэсь сям-йылолъёссэ возьматӥз, историе асьмелэсь пытьымес кельтӥз.

Ольга НИГАМАТУЛЛИНА.

Пермь шаер.