«Эшъяськон выж»

Туннэ нунал пумиськон, эшъяськон но задор мылкыд кузьмалоз - Татышлы ёросысь Улысь Балтач гуртын «Мост дружбы» регионъёс куспысь этно-фестиваль ортчоз. Ужрад «КЛУБ ок XXI века» республика конкурс улсын радъяське. Этно-фестивале Башкортостанысь удмурт ансамбльёс пыриськозы, Нефтекамскысь, Удмурт Республикаысь, Пермь шаерысь, Свердловск улосвылысь коллективъёс но вуозы. Ужрадын удмурт дӥськут вуронъя мастер-класс ужалоз. Озьы ик удмуртъёслэн историяя но культурая центренызы радъям «Цветы моего сада» конкурсъя туспуктэмъёслы адӟытон дасямын луоз. Ужрад сярысь пыр-поч лыдӟоды газет бамъёсысь.