Вань иворъёс
Лулчеберет
8 декабрь 2016, 02:00

Тон ке вӧзын, улонмы но чебер

Анай ке вӧзын, улон но чебер. Со вылын быдэс юртмы, семьямы возиське.

Анай ке вӧзын, улон но чебер. Со вылын быдэс юртмы, семьямы возиське. Та нуналъёсы Анайлэн нуналэзлы сӥзьыса Калмиярысь культура юртын шулдыр ӝыт ортчиз. Отчы ньыль анайёс, ньыль песяйёс но ӵужайёс, ньыль нылъёс пыриськизы. Соос понна пӧртэм конкурсъёс дасямын вал, кылсярысь, удмурт сям-йылолъёсты, пыжиськемъёсты возьматон, мода адӟытон. Со сяна, анайёслы но мусо нылъёслы доре сётэм ужзэс быдэстоно вал.
Конкурсын тросгес балл люказ «Улыбка» команда. Со понна шудӥзы Римма Шайсултанова, Татьяна но Инна Суфияроваос. Нош Ирина Минлиаскарова, Анастасия но Вилия Шайсултановаос «Артистичные» номинациын вормисе потӥзы. «Надежда» номинациын удалтӥз Анна Гильманшиналы, Виктория но Светлана Мардамшинаослы, «Скромность» номинациын – Флюза, Кармелита но Зинаида Муратшинаослы. Конкурсэз ортчытыны «Агро-Танып» СПК-ен кивалтӥсь Сергей Ханов юрттӥз. Анайёслы сӥзем ӝытэз пӧртэм кырӟан-эктон гуръёс шулдыртӥзы.