Вормисьёсты ӟечкыласьком

Куарусён толэзе редакциен суредъёсъя но туспуктэмъёсъя «Мынам вордскем шаере» конкурс ялэмын вал. Шумпотоно, лыдӟисьёсмы отчы трос ужъёссэс келязы. Гожтэтъёс Бурай ёросысь Выль Тазлар школаысь, Калтасы ёросысь Выль Тыхтемысь, Татышлы ёросысь Кызыл-Ярысь, Вылысь Татышлыысь, Уразгильдыысь, Петропавловкаысь, Улысь Балтачысь, Янаул ёросысь Вылысь Барабановкаысь, Вуж Вараш школаысь вуизы. Суредъёсъя конкурсын, пиналъёслэсь арессэс учкыса, куинь вормисьёсты пусйим. Тужгес устоен лыдъямы Вуж Варашысь Милена Зайнуллиналэсь, Улысь Балтачысь Адрияна Шайбаковалэсь, Кызыл-Ярысь Азалия Мухаматьяновалэсь ужъёссэс.

Нош туспуктэмъёсъя конкурсын вормисьёсын лыдъямын Вылысь Барабановкаысь Станислав Набиуллин, Бальзюгаысь Ирина Кабипянова но Петропавловкаысь Алиса Басимова. Конкурсын туспуктэмъёслэн ӟечлыксылы бадӟым саклык висъяськиз. Вормисьёс синпель кузьымъёсын данъямын луозы. Конкурсэ пыриськисьёслы пӧртэм номинациосын дипломъёс сётӥськозы.