Пионеръёслэн кырӟанъёссы

Янаулысь Пионеръёслэн но школаын дышетскисьёслэн юртсы арлы быдэ пионеръёслэсь кырӟанъёссэс быдэстонъя ёрос конкурс радъя. Туэ но «Лейся, пионерская песня» конкурсэ ёрос школаосысь трос хоръёс пыриськизы. Вокалъя ансамбльёс пионер лагерьёс, тунсыко походъёс, яратоно школа но вордӥськем шаер сярысь кырӟанъёс быдэстӥзы. Вормисьёсты кык возрастной категориосъя бырйизы. Нырысетӥ возрастной категориын вормисьёс пӧлын луизы Орловка школаысь вокалъя ансамбль (2-тӥ инты) но Каймашабаш школаысь «Звёздочки» вокалъя ансамбль (3-тӥ инты).Кыкетӥ возрастной категориын 3-тӥ интыез Максим школаысь «Весёлые ребята» но Выль Артаулысь «Веселушки» вокалъя ансамбльёс люкизы.