-17 °С
Салкым
Антитеррор
Вань иворъёс
Конкурсъёс
28 южтолэзь 2018, 14:30

Музъемлэн тазалыкез асьме киын

30-тӥ южтолэзе Музъемлэсь нуналзэ пусйиськомы. Та нуналэ тросэз вордскем дорзы, котыр инкуазез утён сярысь малпасько.

30-тӥ южтолэзе Музъемлэсь нуналзэ пусйиськомы. Та нуналэ тросэз вордскем дорзы, котыр инкуазез утён сярысь малпасько. Пиналъёслы но таӵе мылкыд пыӵатон понна, удмуртъёслэн историяя но культурая центрзы суредъёсъя «Музъемлэн тазалыкез мон киын» конкурс ялӥз. Со 1-тӥ южтолэзьысен 23-тӥ южтолэзёзь кыстӥськиз. Отчы Татышлы ёросысь Улысь Балтач школаысь покчи классъёсын дышетскисьёс пыриськизы.
Пиналъёс ужъёссэс пӧртэм амалъёсын быдэстӥзы. Соос акварелен, гуашен, фломастерен суредаськизы. Дышетскисьёс пӧртэм амалэн ке но ужазы, ваньзы инкуазьлы маин юрттыны быгатэмзэс возьматыны тыршизы. Конкурсын нырысетӥ инты Ангелина Зидымаковалы сётэмын. Кыкетӥ интыен Владимир Рафиковлэн ужез дунъямын, нош куинетӥ интыез Михаил Кайранов но Александра Ушиярова люкизы. Конкурсэ пыриськисьёс ческыт кузьымъёсын пусъемын.
Ксения Милиятова,
ИКЦ-ысь методист.