"Чеберина" конкурслэн положениез

1. Ортчоно дыр но инты: 2018-тӥ арысь 14-тӥ оштолэзь; Янаул ёросысь Вуж Варяш гурт. Кутсконэз 14.00 часын.

2. Конкурсэз радъясьёс: БР-ысь Калыкъёслэн эшъяськон юртсы, БР-ысь удмуртъёслэн национально-культурной центрзы, Янаул ёрос администрация.

3. Конкурслэн ужпумъёсыз: калык сямъёсты но йылолъёсты вӧлмытон; удмурт нылъёслэсь чеберлыксэс возьматон; этнической культураез узырмытӥсь лулпуш чеберлыкез возьматон; егитъёслэсь творческой быгатонлыкъёссэс шараян; егитъёсты пӧртэм творческой ужъёсы кыскон; егитъёслэсь ваньмон дырзэс радъян.

4. Конкурслэн радлыкез: конкурсэ пырисько 17-22 аресъем нылъёс; конкурсэ пыриськись нылъёс литературной кылэз, удмурт калыклэсь сям-йылолъёссэ тодыны, асьсэды сцена вылын возьыны быгатыны кулэ.

Заявкае пусъёно быдэсак нимтулэз, ку вордӥськемез, паспортлэсь даннойёссэ, адресэз, дышетскон (ужан) интыез, социальной номерез, страховой свидетельстволэсь номерзэ.

Котькуд ныл конкурсын возьматыны дасяны кулэ:

1. Ӝыт дэремъёсын дефиле. Дунъясько:

- чебер мугор, причёска но вылтус;

- сцена вылын астэ возьыны быгатон.

2. «Я и мой край родной» визитка (3 минутъем фотослайд).

3. «Бабушкин сундучок»:

- удмурт калык костюмез возьматон;

- удмурт калыклэсь историзэ, культуразэ но сям-йылолъёссэ тодон-валанзэс эскерон;

- удмурт литературной кылэз тодон (мылкыд каремедъя быръем удмурт произведениез выразительно лыдӟон).

4. «Котькыӵе ужлы усточи»:

- калык пӧрез возьматон;

- декоративно-прикладное искусство (удмурт мунё лэсьтон).

5. Творческой конкурс (кырӟаны-эктыны, крезьгур инструментъёсын шудыны быгатэмез яке мукет быгатонлыкъёсты возьматон).

Котькуд конкурсэ пыриськись 200 манет тыр организационной взнос тыроно луоз (тыре ачиз участник яке сое келясь организация). Сиськон дун тырытэк.

Жюри: йӧскалык интеллигенцилэн представительёсыз – калык культура, кыл но история удысысь ӧнерчиос, калыкен ужасьёс.

Вормисьёсты быръёзы чеберлыксы, тодон-валанзы, творческой быгатонлыкъёссы, удмурт калыклэсь историзэ, культуразэ но сям-йылолъёссэ тодон-валанзы, мукетъёслэсь пӧртэм луэмзы но сцена вылын асьсэды возьыны быгатэмзы шоры учкыса.

Конкурсын тужгес вылӥ балл – 5 балл.

6. Конкурсантъёсты пусъён: конкурсэ пыриськисьёс дипломъёсын, синпель кузьымъёсын но сяськаосын данъясько. Вормисьлы «Чеберина - 2018» ним сётӥське.Со сяна, «Приз зрительских симпатий» номинациын вормисез шараялозы (учкисьёслэн куара сётэмзыя быръёзы). Конкурсэ пыриськисьёслы спонсоръёслэсь нимысьтыз кузьым луыны быгатоз.

7. Конкурсэз радъян понна кыл кутӥсьёс: 1) Ирина Муллаяновна Самигулова – БР-ысь удмуртъёслэн историяя но культурая центрысьтызы валтӥсь ӧнерчи, тел.: (34778) 3-21-91; 2) Миншакир Шайсламович Шаритдинов – Вуж Варяш гурт поселенилэн администрациеныз кивалтӥсь, тел.: (34760) 4-25-23.