-18 °С
Салкым
Антитеррор
Вань иворъёс
Конкурсъёс
22 февраль 2018, 12:54

Удмурт эктон, бигер кырӟан одӥг тугокое биниськизы

Россиын ялӥськем Волонтёрлэн арез улсын, Семьялэн арезлы сӥзьыса Балтач ёросын художественной самодеятельностья «Сельские узоры» ёрос фестиваль азинске. Отчы гурт поселениос, предприятиос но организациос пырисько.

Россиын ялӥськем Волонтёрлэн арез улсын, Семьялэн арезлы сӥзьыса Балтач ёросын художественной самодеятельностья «Сельские узоры» ёрос фестиваль азинске. Отчы гурт поселениос, предприятиос но организациос пырисько.
Кылем арняын фестиваль Тошкур гуртын ортчиз. Ужрад вордӥськем шаердэ гажанлы но данъянлы, анай кылэз, калык культураез утёнлы но азинтонлы сӥземын вал, со «Ми та шаерысь, та музъемысь» нимаськиз. Фестивальын удмурт но бигер калыкъёслэн тупаса улэмзы, кенешыса ужамзы яркыт шӧдӥськиз. Вераны кулэ, та музъем шаерамы тодмо луись адямиосты будэтэм. Асавкалэн дано пиосыз – Совето Союзысь Герой Ульмас Шакиров, Паралимпи чемпион Рустам Гарифуллин – сярысь Балтач ёросын гинэ ӧвӧл, бускель ёросъёсын но, республикамылэн палэназ но тодо.
Асавка, Тошкур, Выль Балтач, Мишар гуртъёсысь усточиослэн крезьгуро «кузьымъёссы» котькинлы кельшымон луизы. Асавка клубысь эктон коллективен, «Чибориё» фольклор ансамблен (кивалтӥсез Г. Садриева) возьматэм эктонъёс но быдэстэм кырӟанъёс учкисьёсты адскисьтэм кужымен бордазы кыскизы. Задор удмурт крезьгур чузъяськем улсын, тэтчыса ик эктыны потод!
Рифина НИГАМАЕВА.
(Вакчиятыса басьтэмын «Балтач таннары» газетысь).