-10 °С
Салкым
Антитеррор
Вань иворъёс
Конкурсъёс
16 февраль 2018, 11:28

Чеберина Вязовка гуртын улэ

Татышлы ёросысь Вязовка гуртын улӥсь, 10-тӥ классын дышетскись Мариалина Нуриахметова сярысь газетамы огпол гинэ ӧм гожъялэ ни. Ёрос конкурсъёсы со ӵем пыриське, республика ужрадъёсысь но вормонъёсын бертэ. Кылсярысь, кылем арын шуркынмон толэзьлэн пумаз со Уфае «Урал-батыр» башкир калык эпосэз быдэстонъя конкурсэ вуылӥз. Эпосэз удмурт кылын лыдӟыса, конкурсысь кыкетӥ интыен берытскиз. Нош 9-тӥ тулыспалэ Мариалина Куеда ёросысь Бадӟым Гондырын ортчем, татысь культура юртын ужасьёслэн кичӧлтэмзыя радъяськем, «Чеберина-2018» регионъёс куспысь конкурсэ пыриськиз. Отын Бадӟым Гондырысь Анастасия Кабипзянова но Валерия Темирова, Гожанысь Анастасия Бирюкова но Арина Хайдарова, Киргаысь Алиса Идиятуллина, Кипчакысь Милана Шараева но Карина Шарафисламова кужымзэс мертазы. Вязовкаысь удмурт нылаш анай кылзэ, удмурт калык сям-йылолъёсты ӟеч тодэменыз висъяськиз. Азьпалтыса верасько, тямыс чеберайёс пӧлын Мариалина «Чеберина» нимлы кузё луиз.

Татышлы ёросысь Вязовка гуртын улӥсь, 10-тӥ классын дышетскись Мариалина Нуриахметова сярысь газетамы огпол гинэ ӧм гожъялэ ни. Ёрос конкурсъёсы со ӵем пыриське, республика ужрадъёсысь но вормонъёсын бертэ. Кылсярысь, кылем арын шуркынмон толэзьлэн пумаз со Уфае «Урал-батыр» башкир калык эпосэз быдэстонъя конкурсэ вуылӥз. Эпосэз удмурт кылын лыдӟыса, конкурсысь кыкетӥ интыен берытскиз. Нош 9-тӥ тулыспалэ Мариалина Куеда ёросысь Бадӟым Гондырын ортчем, татысь культура юртын ужасьёслэн кичӧлтэмзыя радъяськем, «Чеберина-2018» регионъёс куспысь конкурсэ пыриськиз. Отын Бадӟым Гондырысь Анастасия Кабипзянова но Валерия Темирова, Гожанысь Анастасия Бирюкова но Арина Хайдарова, Киргаысь Алиса Идиятуллина, Кипчакысь Милана Шараева но Карина Шарафисламова кужымзэс мертазы. Вязовкаысь удмурт нылаш анай кылзэ, удмурт калык сям-йылолъёсты ӟеч тодэменыз висъяськиз. Азьпалтыса верасько, тямыс чеберайёс пӧлын Мариалина «Чеберина» нимлы кузё луиз.
Ужрадэ вуэм нылъёслы пӧртэм ласянь устолыксэс возьматоно луиз. «Тодматскон», «Ческытлэсь но ческыт», «Быгатонлыкез возьматон», «Синмаськымон дӥськут», «Визьмокай» но «Мон - Королева» эскеронъёсын котькуд нылаш аспӧртэмлыксэ, чеберлыксэ, талантсэ быгатыса возьматӥз.
«Чеберинаын» удмурт кылэз, удмурт калыклэсь историзэ, сямъёссэ но йылолъёссэ тодэмлы бадӟым саклык висъяськиз. Пӧраны-пыжиськыны устолыксэс но нылъёс быгатыса возьматӥзы. Мариалина сцена вылын ик кырӟаса табань пыжиз. Зал тыр ческыт зын лӧсъяськиз.
Эктыны, кырӟаны но нылъёс туж устоесь вылӥллям. Коть ваньзылы нырысетӥ инты сёт! Та нуналэ «Дыдыкай» нимез утӥз Валерия Темирова, «Мусокай» - Анастасия Кабипзянова, «Устокай» - Алиса Идиятуллина, «Визьмокай» - Карина Шарафисламова, «Шундыкай» - Милана Шараева, «Шаплыкай» - Арина Хайдарова, «Ческытай» - Анастасия Бирюкова. Гран-приез татышлы музъеме вуттӥз Мариалина Нуриахметова.
Жюри огъя баллъёсты лыдъяку, учкисьёс пӧлын «Приз зрительских симпатий» номинацилэсь кузёзэ бырйизы. Вераны кулэ, учкисьёс тужгес трос куаразэс сётӥллям Анастасия Кабипзяноваен Мариалина Нуриахметовалы: Мариалинаез Настя одӥг баллы гинэ азьпалтэм. Озьыен, «Приз зрительских симпатий» номинацилэн кузёез луиз А. Кабипзянова.
Конкурс огшокчемскын выллем ортчиз. Зал тыр люкаськем калык та ӝытэ сюлмысь шутэтскиз. «Чеберинаысь» котькин ӝутскем мылкыдын кошкиз. «Тюрагай» калык коллектив, «Уӵыпиос» ансамбль, юморъя но эстрадая «Катанчи» театр кырӟанъёссэс, эктонъёссэс но капчи мылкыд кузьмазы. «Чеберинаез» радъянын юрттэт возьматӥзы Пермь шаерысь удмуртъёслэн национально-культурной огазеяськонзы но Бадӟым Гондырысь культурая но спортъя центр.
Миляуша БУЛАТОВА.
Пермь шаерысь Куеда ёрос.
Читайте нас в