Книгалэн пуштросэз - туспуктэм вылын

Семьялэн араз Янаул ёросысь библиотекалэн удмурт калыкен ужанъя секторез «Удмуртская книга. Стоп-кадр» конкурс ялӥз. Со 2-тӥ оштолэзёзь кыстӥськоз. Зэм, конкурсэ ужъёсты 26-тӥ южтолэзёзь гинэ кутозы.

Конкурсэ пыриськон понна, удмурт гожъясьёслэсь веросъёссэс, сценкаоссэс но мукет жанрен гожтэм ужъёссэс тодэ ваёно луоз. Туспуктэмъёс нырысь ик книгаослэсь пуштроссэс возьматыны кулэ. Со сяна, геройёслэсь вылтуссэс, дӥськутсэс, удмурт шӧмзэс дунъялозы. Заявкаез но JPG форматэн туспуктэмъёсты [email protected] элктрон почтае ыстоно, «Удмуртская книга. Стоп-кадр» конкурсэ шуыса пусйыны вунэтоно ӧвӧл.

Ольга НИГАМАТУЛЛИНА.