"Ышнербол" эшъяськытэ но кужым сётэ

Соос пӧлысь одӥгез – «Ышнербол». Нанядыос ёросысьтызы Барабановкаысь «Азвесь гур»,  Андреевкаысь «Зангари» ансамбльёсты куное вазизы. Озьыен, «Ышнерболэн» куинь командаос шудӥзы. Куноослы пумит интыысь «Инвожо» ансамбльысь кырӟасьёс но шудӥзы. «Шудон туж тунсыко пӧрмиз. Нанядыысь ӝутскем мылкыдын но трос кужым люкаса бертӥм», - вера Барабановкаысь культура юртэн кивалтӥсь Надежда Кусниярова. «Ышнерболын» вормисе потӥз Нанядыысь «Кырыж боды» команда. Кыкетӥ интыын луиз Андреевкаысь «Швабры» команда, куинетӥын – Барабановкаысь «Пештэрек кенакъёс» команда. Шудон бере ансамбльёс учкисьёсты чебересь кырӟанъёсынызы шулдыртӥзы.  

Туспуктэм интернетысь басьтэмын.