Эстониын "Наука вить минутскын" конкурсын вормиз егит удмурт тодосчи но кырӟась

Тулыспал толэзе гожтӥмы вал Эстониысь тодосъёсъя академилэн "Наука 3 минутскын" конкурсэз сярысь. Отчы Таллиннысь Музыкая но Театръя академиын докторантураын дышетскись, удмурт калык кырӟанъёсты но бесерман крезьёсты кырӟась Мария Корепанова пыриськиз но 18 финалистъёслэн выступлениоссы пӧлысь Мариялэн ужез вить устоосыз пӧлы пыриз. Али тодмо луиз телевидениын возьматэм выступлениос понна куара сётэмзылэн йылпумъянзы. Бесерманъёсты эскерись егит тодосчилэн видеороликез понна 587 адями куара сётӥз но со 32,2 процентэн вормисе потӥз. Азьпалан Марияез вите доктор диссертацизэ утён.