Анна Байдуллина но Татьяна Глимзянова удмурт кылэз кӧня баллы тодо?

Толон "Мынам Удмуртие" радиолэн меӵак эфираз "Бадӟым Удмурт диктант" акцилы йылпумъянъёс лэсьтӥзы. Сое 18 адями 100 баллы гожтӥз. Диктант гожтонэ 2 сюрслэсь трос адями пыриськиз. Соос пӧлын луизы Нефтекамск педколледжысь дышетӥсь Татьяна Глимзянова но "Ошмес" газетлэн корреспондентэз Анна Байдуллина. Соос кыксы ик диктантсэс 95 баллы гожтӥзы. Данъяськиськом анай кылмес ӟеч тодӥсьёсын!