Театрлэн араз, театрлэн нуналаз

Театрлэн араз Быдэсдунне театрлэн нуналаз, 27-тӥ южтолэзе, Бадӟым Качак гурт библиотекаын нылпиослы «Путешествие в страну Театралия» ужрад ортчиз. Пиналъёс нырысь историен тодматскизы, вашкала дыръя Грециысь нырысетӥ театръёс но отын шудӥсьёс сярысь тунсыко историез кылзӥзы, собере асьсэос Театралия страналэн улӥсьёсыз луизы. Пӧртэм туспуктэмъёсты учкыса, соос адямилэсь мылкыдзэ веразы: шумпотон, куректон, вожпотон, куатаськон но мукет. Кыӵе ке предметэз яке пӧйшурез возьматон но тунсыко пӧрмиз. Берло нылпиос «Репка», «Курочка Ряба» мини-сценкаос возьматӥзы, «Жесты», «Две мышки», «Кошка», «Парикмахерская», «Больница», «Магазин» шудонъёсын шудӥзы.