Быдэстоно ужзы шумпотон вае

Элик Фёдоровичлэн пудозэ йылэтон сярысь малпанэз вань. Фермер та дыре выль гид (14х45 метр быдӟалаен) ӝутон бордын тырше.

- Пудо вордон борды асьме кужыммылы оскыса басьтӥським. Ужмы нырысь капчиен ӧз ке но сётӥськы, арысь аре «юнмамы». Бадӟым тау Лариса кузпалэлы. Со котьку юрттэт возьматыны дась. Нырысь ошъёс вордӥм. Собере скалъёсты йылэтӥм. Туннэ нуналэ герефордъёсты сӥльлы будэтӥськом, - вера Э. Зиятов. - Федерал программа улсын фермае асфальтэн сюрес лэсьтэмын. Со понна бадӟым тау шуиськом ёросысь кивалтэтлы.

Зиятовъёслэн 364 гектар гыроно-кизёно музъемзы вань на.

Башкортостанын аръёс ӵоже ни гурт удыслы бадӟым саклык висъяське. Республикалэн тӧроез Р. Хабиров фермеръёслы азинскыны юрттэт возьматон сярысь сюлмаське. 

(Быдэсак материалэз лыдӟе газетмылэн 28-тӥ номерысьтыз). 

Фото: Газета "АЛГА" <Бураевский район>