+1 °С
Лымы
Антитеррор
Вань иворъёс
Гурт удыс
6 куартолэзе 2022, 12:15

Кизён ужъёс азинско

Башкортостанысь Гурт хозяйствоя министерствоын 4-тӥ майын ивортэмзыя, республикаын 120 сюрс гектарлэсь трос музъеме валэс культураос киземын.

Кизён ужъёс азинско
Кизён ужъёс азинско

Туэ республикаын валэс юосты 2 млн 170 сюрс гектаре кизьыны чакламын. «Кизён кампанилэн умой азинскемез уте аграриосын ужез быгатыса радъянлэсь, - вера БР-ысь Правительстволэн Премьер-министрезлэн воштӥсез – БР-ысь гурт хозяйствоя министр Ильшат Фазрахманов. – гурт хозяйствоос тулыс бусы ужъёслы пыр-поч дасяськизы. Соослы юрттэт луиз банкъёсын сётэм льготной кредитъёс. 2022-тӥ арын Башкортостанысь аграриослы льготной кредитованилы федерал бюджетысь 1 млрд коньдон висъяськиз.Республикаысь аграриос 9 млрд манетлы матэ льготной ставкаен (5 процент) кредит басьтӥзы».

Республикаысь ныль ёросъёс кизён кампанилэсь экваторзэ ортчизы ни. Аургазы ёросын валэс юосты кизён 60 процентлы йылпумъямын, Кармаскалы ёросын – 59 процентлы, Мелеуз ёросын – 56 процентлы, Альшей ёросын – 54 процентлы.

Та дыре Башкортостанысь нянь будэтӥсьёс огъя 405 сюрс гектар музъеме тысё культураосты, 169 сюрс гектаре масличный культураосты, 13 сюрс гектаре сакыр кушман кизизы.

Удмурт гуртъёсысь хозяйствоосын тыршисьёс но тулыс бусы ужъёсты дыраз йылпумъян сярысь сюлмаськыса ужало. Янаул ёрос администрациен кивалтӥсь Ильшат Вазигатов та нуналъёсы бусыостӥ ортчиз, кизён ужъёслэсь быдэстӥськемзэс эскериз. Ильшат Агзамович «Колхоз Восток» СПК-е но вуылӥз. Хозяйствоен Олег Зайнуллин кивалтэ.  Вконтакте вотэс бамаз. И. Вазигатов гожтэ: «Побывал на полях СПК "Колхоз "Восток". Хоть нынешняя весна не слишком балует теплом, уверен, набрать нужный темп сельчанам удастся быстро. Да и в народе говорят, "май холодный – год хлебородный". Зерновые после зимовки чувствуют себя удовлетворительно». 

Вераны кулэ, «Колхоз Восток» СПК-ын ужасьёс бусы ужъёс борды нырысетӥен басьтӥськизы: бусыосы тракторръёс 23-тӥ оштолэзе потӥзы. Ужзэс востокъёс 1032 гектар музъемысь трос аръем турын вылэ удобрение пыртонысен азинтӥзы. Хозяйствоысь валтӥсь агрономлэн Фёдор Тимирзяновлэн кылъёсызъя, «Колхоз Восток» СПК-ын техника, ужась киос, удобрение, ГСМ, кидыс ласянь сюлмаськонъёссы ӧвӧл.

Валтӥсь агроном механизаторъёссылэн ужъёссылы вылӥ дунъет сётэ. Оскымон ужасьёс вань дыръя уж капчи мынэ, дыраз йылпумъяське.

Фото: https://vk.com/id196214684?z=photo196214684_457240206%2Fwall196214684_1155

Автор:Миляуша Булатова
Читайте нас: