Шонер мерттӥськиськомы-а бакчаямы?

Улон туж ӝог ортче. Соин, вылды, улыны дыртӥськомы, мае ке лэсьтыса ум вуттэ кожаськомы кадь. Гурт улонъя но шӧдыны луэ сое. Лымы шунаса быриз-а, ӧз-а, пумен бакчаосмес гырим но ваньзэ мерттыны турттӥськом. Нош ваньмызлэн аслаз эсэпез но дырыз шуыса тодамы но ӧвӧл. Вашкалаосмы ваньзэ чакласа, инкуазьлэсь вырӟемзэ но ӝутскемзэ учкыса гинэ музъем ужъёссы борды кутско вал. Потэм картошка пудзылэн кынмемез вань, дыр, тросэзлэн. Бере но кыльыны уг яра. Кылем арын ачим кешырме кык пол кизёно луи: нырысетӥез ӧз поты, кыкетӥез умой потӥз, но будыны ӧз вормы ни. Алигес "Удмурт дунне" газетысь шедьтӥ та темалы сӥзем тунсыко материал. Тӥледлы но соин тодматскыны дэмласько.