-18 °С
Салкым
Антитеррор
Вань иворъёс
Гурт удыс
1 ноябрь 2018, 11:20

Ӵуклы быдэ куамын одӥг иськемез ортчыса

Калтасы ёросысь «Победа» ООО-лэн Бадӟым Качакысь участоказ ужась механизатор Сергей Пакриев Калтасыын улэ.

Уждураз со ӵуклы быдэ 31 иськемез ортчыса вуэ. Азьвыл Сергей Иванович «Алексеевский» совхозлэн Янаул ёросысь ёзэтаз ужам, механизаторлэсь ик ужзэ быдэсъям. Котькуд ужзэ со ӟеч, мукетъёслы адӟем карымон лэсьтэ. МТС-ын тыршыса ужамез понна ик солы кун программая улон юрт но сётӥллям.
Ю тысь октон дыре С. Пакриев комбайнэн ужам. «Со вылӥ лыдпусъёс возьматӥз, - шуэ участокен кивалтӥсь Назиф Абдуллин. - Нош али кын улэ гырон ужъёсты быдэсъя». Вераны кулэ, «Победа» ООО-лэн Бадӟым Качакысь участокез Калтасы ёросысь азьмынӥсь хозяйствоос пӧлын лыдъяське. Техниказэс но татын ӵем выльдо, калыклы уждун тыронэн но шуг-секытъёс уг кылдо.
Сергей Пакриев Улысь Качмаш гуртын вордӥськыса будэм. Школазэ быдтэм бераз Нефтекамскысь 91-тӥ номеро училищеын трактористлы тодон-валан басьтэм. 1991-тӥ арысен ни со гурт удысын тырше, хозяйствоослэн бусыосазы гыре-кизе, ю тысь октэ. Нош дораз сое кузпалыз но кык нылъёсыз шумпотыса витё. Соос но ӟеч валало, адямиез ужезъя дунъяло шуыса.
Миляуша БУЛАТОВА.