Кызьы азинске гурт удыс?

Та лыдпусэн Башкортостан Приволжск федерал округын нырысетӥ интыын луэ. Москваын ортчем «Золотая осень» адӟытонын басьтэм 116 медаль но Башкортостанлэсь гурт удысысь бадӟым кужымзэ возьматэ. Но, республикалэн Тӧроезлэсь ужзэ быдэсъясь Радий Хабировлэн верамезъя, лыдпусъёсты будэтыны луэ на.

«Туэ гурт удысэз азинтон понна 5,8 млрд манет висъямын, - вераз Радий Хабиров гуртын тыршисьёсты данъянлы сӥзем ужрадын. - Хозяйствоослы выль техника басьтыны сётӥськись субсидиослэн быдӟалазы будоз. Ар кутсконысен 1400 выль техника басьтэмын. Шумпотоно, соос Башкортостанын поттэмын шуыса». Радий Хабировлэн кылъёсызъя, республикаысь гурт удысэз азинтон понна, отын ужасьёсты дасян сярысь сюлмаськоно, туала амалъёсын ужаны дышетсконо. Гуртын выль уж интыос кылдытоно, калыклэсь доходзэ будэтоно, соослэсь ужзэс, улонзэс капчиятыны тыршоно.